Хийморь тэтгэсэн Улаанбаатар

Өргөн олны минь хийморь нь болсон
Өргөө гэрийн минь тотго нь болсон
Өвөг дээдсийн минь асаасан гал голомт
Өнгө зохилдсон Нийслэл Улаанбаатар
Хийморь тэтгэсэн миний улаанбаатар
Уулсын чанадаас бэтгэрч дурсан
Уртын аянаас санаж ирэх
Ургийн гал голомт өвгөдийн минь сүр
Угийн хайртай миний Улаанбаатар
Хийморь тэтгэсэн миний улаанбаатар
Амгалан энхийн жаргалтай
Азтай залуус нь жавхаатай
Аятай амьдралын гэрэл гэгээ
Миний Улаанбаатар



Тахилга сүлд нь Хангарьд
Таван эгшиг нь Хатан туул
Ноён суудал нь Ханбогд уул
Миний Улаанбаатар
Налгархан хөндийд
Наран өглөөтэй
Намуухан сэвэлзэх саран үдэштэй
Богд дүнжингарав нь уул үүлсийн тэргүүн
Болор тунгалаг хот нь улс орны тэргүүн
Ус голоо дагаад угалзарсан
Уулаа дагаж сүндрэлсэн
Хайрыг минь авч жавхаажсан
Хайрхан дөрвөн ууландаа эрхэлсэн
Хийморь тэтгэсэн миний улаанбаатар
Хавартаа нартай
Зундаа жаргалтай
Намартаа найртай
Өвөлдөө өнгөтэй
Богд дүнжингарав нь уул үүлсийн тэргүүн
Болор тунгалаг хот нь улс орны тэргүүн
Налгархан хөндийд
Наран өглөөтэй
Намуухан сэвэлзэх
Саран үдэштэй
Богд дүнжингарав нь уул үүлсийн тэргүүн
Болор тунгалаг хот нь улс орны тэргүүн