Gangnam style дэлхийн сүйрэлтэй холбогдож байна гэж үү? Аугаа юм аа

     Зиак өнөө морь унаж байгаам шиг омболзон шомболзон бүжиж, дэлхийн улс үндэстнүүдийг урьд хожид байгаагүйгээр байлдан дагуулж, мэдэхгүй танихгүй хүнгүй болсон өнөө PSY чинь дэлхийн сүйрэлтэй холбогдон тайлбарлагдаж эхэллээ. Чухам яг яагаад? Хэн тэгсэн? талаар энэ доор байгаа видео бичлэгээс үзээрэй.

Гарчиг олддоггүй ээ...

За нэг бичлэг оруулчихъя гэж бодсон ерөөсөө эмх цэгцтэй бичиж чаддаггүй ээ хэ хэ. 

Уул нь энэ мэдээллийн веб сайтууд дээр байгаа балиар, бухимдал төрүүлэм сэтгэгдэлүүдийг хараад нэг биш байна шдээ нөхдүүдээ гэсэн аястай бичлэг оруулчих гэсэн ерөөсөө болж өгдөггүй. хэ хэ

Тэгээд тулгарсан асуудлуудаа л бичиж сууна. 

Муу, муухай, бүдүүлэг үг хэллэгээр бусдыгаа муу ч явсан, сайн ч явсан бай битгий доромжилж, гүтгэж, гүжирдэж байгаарай гэсэн санаа гаргах гэсэн чинь нэг л цэгцтэй болж өгдөггүй. 

Хүний амьдрал гэдэг чинь сайн муу олон л асуудалтай байдаг хойно мууг нь дуудаж бүү чич. Сайхан зүйл хэлж урам өгч чадахгүй бол адаглаад мууг нь дуудалгүй зүгээр л чимээгүй өнгөрч байх хэрэгтэйм шиг байгаан. 

Энэ олны дунд бусдыг шүүмжлэгчид их олон болж. Гар нэмэх нь ховор болж. Байг гэхэд асуудлыг нь шийдэх гарцыг нь олох санааг нь өгөх хүн цөөн болж. Зүгээр л болку байна бүткү байна гэж гоншигоносон гарууд л байхийн. 

За за энэ талаар бичихлээр өөрөө нөгөөдүүлтэй адил болох гээд байна. 

Саяхан нэг өөрийгөө зөвтгөх зүйл хийснийгээ биччихье. Сайлах юмгүй бол ядаж битгий муулаарай. 

Саяханаас тушаал гаргуулж гарын үсэг зурдаг ажил өөрийхөө хийдэг ажил дээр нэмж хийх болсийн. Өөрөөр хэлбэл захиралын үүрэг гүйцэтгэгч болов оо. 

Олон л асуудал толгой дээр буудаг бэрх л ажил байна та минь.

Манай нэг салбар нэгжид ажилладаг нэг эмэгтэй байдаг юм. Би ч бараг 4 жилийн өмнөөс уул нь гадарлах юм байгаан. Ажилдаа сайн, хүнтэй эвлэгхэн харьцдаг, түргэн шалмаг, асуудлыг гялс шийддэг, удирдлагатайгаа ойлголцож чаддаг эмэгтэй. Нэг нэгж дээр хамт зэрэгцэн ажилладаг байлаа. Ажил үүргийн хуваарь ондоо ч нэгнийхээ хийж байгааг нь нүдэндээ илхэн хардаг байсан учир миний тэр эмэгтэйг үнэлэх үнэлэмж дээрх байдлаар илэрч байгаан. 

Тэр эмэгтэй өөр нэгжид шилжин ажиллах болж би ч төв салбарт ирлээ. Ерөнхий төсөөлөл байсан ч сүүлийн 2 жилийн хугацаанд тэр хүн хэрхэн өөрчлөгдөж, ямар үр дүн гаргаж, бусаддаа хэрхэн үнэлэгдэж байгаа талаар мэдээлэл огт байхгүй болчихсон. 

Салбар нэгжүүдийн удирдлагууд маань сардаа 2 удаа хуралдаж асуудлуудаа хэлэлцээд шийдвэрлээд явдаг явцаараа л ажил урагшилсаар. Харин тэр эмэгтэйн ажилладаг салбарын удирдлага нь түүний талаар гурван ч удаа таагүй мэдээ дуулгалаа. Мань хүн архи ууж ирсэн л гэнэ, согтуу хэвтэж байсан л гэнэ, юм хулгайлсан л гэнэ. Хариуцсан ажилдаа нилээдгүй хариуцлага алдан удаа дараа давтаж сануулга авсан л гэнэ. 

Мэдээллийг сонсоод би юу гэж бодсон бэ гэхлээр итгэл хүлээлгэж ажиллуулж, ажлын боломжтой нөхцлөөр хангаж, цалин хөлсийг нь цагт нь өгч байхад яагаад ийм арчаагүй үйлдэл гаргаж байгаа юм бэ? "Арга хэмжээ ав" гэсэн үүрэг өглөө. Харин удирдлага нь албан тушаал бууруулсан байв.

Аархал..

Үг Н.Баянмөнх
Ая А.Анхбаяр
Дуучин СТА Э.Төрмандах


Аархал
Ембүү мөнгөн сарнаар нь
Ажнайн салхинд исгэрээд
Есөн булгийн усыг нь ээ
Цалигуулж явсан хийморь байнаа
Тэсийн гол Гал шарын
Тэнгэрлиг хүлгүүд уяан дээр минь байна
Алтан дарь ганга Говь шанхын
Арагмагийн тоос дээлэнд минь байна
Газар газрын баячуултай
Арилжаа гүйлгэн тодроод
Галав шанхын говийгээ
Шуугиулж явсан аархал байна аа

Яваач ээ муу гуйлгачин минь...

Ха ха ха
Энэ ёстой элэг авмаар видео юм аа.
Зөв амьдралын төлөө хамтдаа урагшилъя



Оюун ухаан нь ядуу хүмүүс ингэж аяглах нь аргагүй. Тэднийг буруутгах ч аргагүй юм...

Элэг хөшлөө

Сэр.....

Залуу машинаа чамбайлан арчиж байлаа. Хүү хажууд нь очоод газраас чулуу авч машиныг нь зурж гарлаа. Залуу гартаа том түлхүүр байсныг ч анзаарах сөхөөгүй хүүгийнхээ гарлуу хэд хэд цохиод авлаа. Гар нь цөөнгүй газраа хугарсан хүүгээ авч яаран эмнэлэг рүү явсан ч хүүгийн гар эдгэхээсээ өнгөрч ээ. Эмч нар түүний хурууг тайрах шаардлагатай тухай сонссон эцэг хүүгийнхээ нүүр рүү ч харж зүрхлэхгүй байв. Хүү "аав аа? миний хуруу дахиж ургах болов уу" гэж асуухад залуу юу гэх учраа ч олсонгүй. Дэмий л машиныхаа хажууд очин толгойгоо шаан зогсохдоо хүүгийнхээ зурсан зураасыг харахад "аавдаа хайртай" гэсэн бичиг байлаа.

Хайрын өнгө

Хайрын өнгө - МУГЖ С.Жавхлан , Ч.Амаржаргал

ZAYA ft TG, Hishigdalai - Hairiin Tuluu | Хайрын Төлөө

Үгийг орууллаа.

Мишээл - Гараас минь атга /үгтэй/

Misheel - garaas mini atga татаж авахаар

Дурлал

Аагтай омогтой залуу нас
Алдаагаар дүүрэн байх
Амьдрал ганц тохиох учир
Аз жаргалын эрэлд хатах
Хожим харин эргэж харахад
Ховор мөчүүдийг хөсөр хаяж
Хохимой толгойгоо ганзаглаад
Хормын жаргалд сатаарсан байх
Ганцаараа элээдэг хорвоо үгүйн учир
Ганцаардалд биеэ тушаах гэж яарахын учир юу вэ
Галд шатаж мөс болон хөлдөж чадмаар бодогдовч
Ганцхан амь гэж үл хөдлөх
Хөсөр биеийн хөнгөн зөнд хөтлөгдөн
Хөөс адил хөөрөн дүүлмээр
Хий хоосон зөн совин
Хийсвэр сэтгэхүй хэн нэгний эрэлд гарах
Шалгуур тавьж шаналж суух нь ч бий
Шантарч ухарч нуух нь ч бий
Шалиг үсэгтэй үгэн дарцаг хийсгээд
Шалиглаж цалиглаж гүйх нь бий

Нэг өдрийн хаан

Rokit bay Нэг өдрийн хаан

Нэг өдөр хаан байсан, энгийн байх над утга учиргүй мэт санагдана
Эндээс хурданхан мултрахын тулд хурдхан гүймээр санагдана
Гэвч тэнгэрийн хаяанд тулсан өндөр түймэр замыг маань хаана
Очих ёстой газраас тусгаарлагдана, хананы наана цаана
Эндээ үйлдвэл бүх зүйл энгийн, энгийн бүхний дунд нь шингэнэ
Өөрийгөө нэг мөр мартаад болж хувирна дундаж нэгэн
Байж чадахгүй нь би хавчиг бүгчим жижиг завсар зайнд
Ийм учраас эндээс явахаар гал дундуур би алхаж байна
Хананы нөгөө талд нь гарах замдаа би ядарна
Хөлөө би зөөж ядна, нэг биш удаа би шантарна
Золиос зөндөө гаргана, тэр зүг рүү явж байгаа болохоороо би
Эргэж буцаж огт болохгүй гэсэн цөөн хэдэн бодлуудыг толгойдоо хийн
Эсрэг талд нь байгаа зүйлүүд хананы цаанаас бүдэгхэн
Сайн харагдахгүй байгаа ч гэсэн онгойлгоно би үүдийг нь
Хамаагүй ээ очих газрын зам нь хичнээн хол ч гэсэн
Ядаж ганц өдөр хүссэн газраа очиж үзэхийн тулд тэснэ

Гачлан....

Зиак өнөөдөр ч мөнгөний эрэл хайгуулд гараад цаадах чинь сүйд болох шахав :P

Ажил хийвэл ам тосдоно, сайхан сэтгэлийн үзүүрт тос гэдэгчлэн тодорхой хэмжээнд ажил хийж найз нөхдийн хүрээлэл үүссэнийх үү төдийлөн хүндрэлгүй хэдэн утас цохиол зохицуулж орхилоо. 

Амьд амьтан болсон хойно бүх хүнд л асуудал, бэрхэшээлүүд тулгарч байдаг шүү дээ. Гэхдээ түүнийг хэрхэн яаж даван туулж байгаа нь тухайн хувь хүнийг илэрхийлэх болов уу гэж бодож суулаа. Хаана ямар газар бодож суусан гэхээр төв шуудангийн баруун талд найзыгаа хүлээнгээ төв замын хажуугийн нэг уулзварт нь машинтайгаа зогсож байсийн. 

Гудамжинд цастай, хальтиргаа гулгаа ч гэж бас багагүй байлаа. Миний урдуур "модны тайрдас баруун гартаа хазгайдуухан тулчихсан, зүүн гартаа үрчийж хорчийсон цагаан гялгар уутанд хэд гурван ундааны сав, лааз хийгээд хөл нь бэртэлтэй болов уу гэж харагдамаар ядарсан ах хөлөө чирэн ойрхон ойрхон гишгисээр замын хашлагыг арай ядан даваад явган хүний замын хажууд байсан хогийн савнаас нэг ундааны сав олоод түр зогссийн". 

Энэ хооронд би "хүнд хэцүү  амьдрал үзүүлээгүй, эрүүл саруул өсгөсөн эжий аавдаа баярлах зуураа энэ хүнд давж туулхад бэрх ямар зүйл тохиолдсон бол, юуны учир ийм амьдралаар өдөр хоногийг өнгөрөөх шийтгэл ноогдсон бол" гэж өөрийн эрхгүй бодлоо. 

Орчлонд магадлал үгүй

Урьд хутагт Гадаяана өдрийн зоог барихаар тосгонд морилж нэг айлын үүдэнд залрахад тэр айлд нэгэн эмэгтэй нэг бяцхан хүүхдийг өвөр дээрээ суулгаад, загасны мах идэж байжээ. Тэр үед үүдэнд нэг нохой загасны махнаас ихэд горьдон байсанд бүсгүй түүнийг зандчин хөөхдөө өөрийн идэж байсан загасны ясыг шидэж өгөв. Хутагт Гадаяана өөрийн илт мэдлээр тэдгээрийн үйлийн үрийг ажиглатал, тэр эмэгтэйн аав нь гэрийнхээ ойролцоох нуурнаас байнга загас барьдаг хүн байсан бөгөөд нас бараад үйлийн эрхээр тэр нуурандаа загас болон төрсөн байж. Охин нь тэр загасыг барьж ирээд шарж идэж байсан нь тэр ажгуу. Харин эх нь нас бараад нохой болж төрөөд хүүхдийнхээ гэрийн үүдийг сахих болсон бөгөөд эхийгээ зандчиж зодож байх юм. Гэтэл өвөр дээр нь суусан хүүхэд нь эцэг эхийнх нь байх үест тэднийхтэй байнга тэрсэлддэг хонзонт нэгэн байсан тэрбээр өр төлөөс, лай ланчгийн эрхээр өөрийнх нь хүү болоод төрчихсөн байв. Тийнхүү загас болж төрсөн эцгийнх нь ясыг, нохойд төрсөн эх нь зуугаад гүйж байгаачлан орчлонд бүх зүйл эсрэгээр холилдчихсон дүр зураг харагдсанд тэсгэлгүй инээд алдсан гэдэг. Тиймээс:

НӨАТ-ын падаан дээр бүтээгдэхүүн, үйлчилгээний нэгдсэн ангилалын код бичих заавар

Бүтээгдэхүүн, үйлчилгээний нэгдсэн ангилал кодчилолын Анги гэсэн багана дээрх 4 оронтой кодыг Нэмэгдсэн өртгийн албан татварын падааны Код багана-нд, Тодорхойлолт багана дээрх нэрийг Бараа ажил үйлчилгээний нэр баганад тус тус бичиж өгнө.

Эрүүл мэндээ бодох хэрэгтэй

Зиак цаадах чинь энэ намар гэхэд гурван ч удаа эмнэлэгт шинжилгээ домнолгоо хийлгээд авах шив. Европ анагаахын эмнэлэгээс авхуулаад уламжлалт эмнэлэгт хүртэл хэвтээд авсан бөлгөө. За миний биеэ энхрийлсэн тухай ч яахуу. Блог дээрээ "Ходоод өвдөх хэд хэдэн шалтгаан байгаа" гэсэн бичлэг оруулж байсан маань сүүлийн үед их олон хандалттай болоод байгаад сэтгэл жоохон эмзэглээд байх шиг..

Бичлэг орсноос хойш нэгэнтээ 5900 гаруй удаагийн хандалттай болоод амжсан байхийн. Миний энэ муу навтасыг тоож салхи сэвэр оруулах хүн ч уул нь цөөн л дөө. Тэгтэл энэ бичлэгийн хандалт ихсээд байгаа нь найзуудаа, залуусаа, ахан дүүсээ та хэдийн минь бие сэтгэл ээ энхрийлүүштэй болж шүү гэдгийг сануулах хэрэгтэйг илтгээд байх шиг. 

Хүний хоол боловсруулах систем чинь энэ бие мах бодийг хөдөлгөх, эрч хүч, энерги өгөх үндсэн суурь болдог юм шүү. Тиймээс муу олгойгоо ч тээр шаалгүй, авхуулалгүй арчилж тордохоос эхлүүлээд биеэ нэг энхрийлээд аваарай. Эрүүл биед саруул ухаан гэж.....

За тэгээд сургааль номлол айлдах яахуу.

Зөв харилцааны цагаан толгой

     Хөгжлийн бэрхшээлтэй иргэдтэй харилцахад зарим тохиолдолд зөв харьцаагүйгээс таагүй сэтгэгдэл төрүүлэх, үл ойлголцох, гомдоох зэрэг хүндрэл гардаг учраас энэ талаар нэг мэдээлэл оруулъя гэж эртнээс бодож байсийн. Хайж олсон зүйл маань зөв харилцааны цагаан толгой буюу 2009 онд Монгол улсын Хүний Эрхийн Үндэсний Комиссоос гаргасан ном байна. Харамсалтай нь номны 2-р хуудсан дээр ".....Дахин хэвлэх, хэсэгчлэн ашиглахдаа Хүний Эрхийн Үндэсний Комиссоос зөвшөөрөл авна" гэсэн байсан нь хүний эрхийн комисс нь өөрөө ном гаргасныхаа ач холбогдлыг бууруулчихсан юмуу даа гэх сэтгэгдэл төрлөө. Гэхдээ би блог дээрээ зөвшөөрөлгүйгээр зурган хэлбэрээр орууллаа. Энэ нь аль нэгэн байгууллага, хүвь хүний ашиг сонирхолыг зөрчин, хуулийг үл ойшоосон хэрэг биш бөгөөд хүний нийгэмд байх ёстой, бүгд мэдэж, хэрэгжүүлбэл зохих зөв харилцааны хэм хэмжээг өдөр тутмын амьдралдаа бас ойр орчиндоо хэрэгжүүлэхийг уриалан дуудаж буй эерэг үйлс хэмээн ойлгож байна. 

Хүндэт уншигч авхай та хэрэв энэ бичлэгийг уншиж байгаа бол бусдад түгээн дэлгэрүүлэх үйлсэд хүч нэмэн сэтгэл зүрх, гар биеэрээ хамтран зүтгэнэ гэдэгт итгэж байна. 

Захидал

Жаалхүү ээж аавынхаа өгсөн мөнгийг хугацаанаас нь өмнө зарцуулж дууссан учраас мөрөөдөл болсон бөмбөгөө авч чадсангүй.

удахгүй зуны амралт эхлэх гэж байгаа тул хүүгийн сэтгэл зовж ямар нэгэн байдлаар мөнгө олох арга хайж байлаа. Тэдний захиалдаг нэгэн сэтгүүлийн сүүлийн дугаарт "Ажил болгон хөлстэй" гэснийг уншаад хүү баярлан дэвхцэв.

Түүний бодлоор бол ээж аавдаа хийж өгсөн ажлынхаа хөлсийг заавал авах нь зүйтэй байв.

Хүү шалавхан хийх ажлынхаа жагсаалтыг гаргав. Үүнд:

* Талханд явах 200₮
* Хог асгах 300₮
* Ээжтэйгээ цуг дэлгүүр явах 500₮ гэх мэтээр тооцоолоход сарын хөлс нь 10000₮ болж байв.

Хайр гэрэлтсэн харц

Munhbat ft Uuree - Hair gereltsen harts /lyric/

"Хоргодохын шүлэг"

Бавуугийн Лхагвасүрэн
Ухаантай байхаас
Тэнэг нь илүү эрх чөлөөтэй
Үнэн байхаас
Худлаа нь илүү үнэтэй
Байгаа бүх юмс
Байраа сольчихсон мэтэд...
Бадаг зүүд шиг
Бүдэг заяа тэмтрэхэд
Урт бодол агшиж
Уйдах юм шиг санагдавч
Өглөөг чөрхлөн авчрах үүрийн туяаг санаж
Өөдлөх уруудахын хорвоод би
Өөрийн эрхгүй хоргодно

Англи хэлний түгээмэл хэрэглэгддэг 1000 үг /The Top 1000 Words in English/

Дэлхий дахины хэл шинжээчдийн их хуралд дэлхийн хүмүүс 2976 төрлийн хэлээр ярьж байна гэж дурджээ. Зарим хэлээр үй олон сая хүн ярьдаг байхад заримаар нь хэдэн арваадхан хүн ярьдаг аж. Хятад хэлээр хамгийн олон хүн ярьдаг бол англиар 450 сая хүн, Энэтхэгийн хинди, урду хэлээр 160 сая хүн, мөн 200 орчим сая хүн оросоор ярьж бичиж байна.

Гэтэл Оросын Коли хойг дээр суудаг 1700-хан хүнтэй саами ястан одоог хүртэл өөрийн хэл, бичгээ хэрэглэсээр байна. Эндээс үзэхэд үндсэн гэгдэх 13 хэлийг мэддэг байхад бидний хэн ч хоёр миллиард хүнтэй харилцах бололцоотой гэсэн үг. Гэхдээ судлах хэлийг сонгохдоо хэлний хэр зэрэг дэлгэрснийг удирдлага болгож болохгүй, бусад хүчин зүйлсийг анхааран харах хэрэгтэй. Жишээ нь, орос хэлээр хамгийн олон ном зохиол хэвлэгддэг байхад англи хэлээр дэлхий дээр хамгийн их сонин хэвлэгддэг ажээ.

Яаж хялбархан сурах вэ гэж үү?
Хэл сурахдаа эхлээд үндсэн хэлийг, дараагаар нь төрөл хэлүүдийг судлах хэрэгтэй. Гадаад хэл сурч судлах хөдөлгөөнийг санаачлагч хэл шинжээч Т.Ауэрбахын өгүүлснээр Германы нэрд гарсан археологч Генрих Шлиман эхлээд франц, англи хэлийг тус бүр нэг жил зарцуулж сурсан бол цаашдаа шинэ хэлийг хэдхэн долоо хоногт сурч байсан ба бүр зарим хэлийг хэдхэн хоногт сурдаг болсон байна. Шлиман шинэ хэл сурахаар бэлдэх бүрдээ уг хэлээр гарсан тэр номын орчуулгыг олж авдаг байжээ. Хэлний онцгой авъяас гэж байдаг ч энэ нь цөөн хүнд заяадаг онцгой зүйл биш гэнэ. Аль болох залуу насандаа л хэл сурах хэрэгтэй. Ингэхийн тулд,

Ер бусын хурдан шаолин

Өдөө цувуулан алхаж явахад
Далавчийг минь эдгээж нисгэчихээд
Хамт нисэлгүй зүг буруулдаг
Хачин шувуу нэг байдаг.
Өнгөрснөө дурсан уйлж суухад
Ирээдүйг харуулж, итгэл төрүүлчихээд
Хамт нисэлгүй зүг буруулдаг
Хачин шувуу нэг байдаг.
Хамт нисэлгүй зүг буруулдаг
Хачин шувуу нэг байдаг ч
Согтуурал, элийрэл, тайвшрал мэтийн
Сонголтууд надад олон үлддэг.

Б.Батзаяа

Э.Төрмандах - Үүр шөнийн нулимс /үгтэй/

Төрмандах Эх орон эрчүүдээр дутна /үгтэй/

Энэ дуучин Төрмандахын хоолойны цар, өнгө нь нэг л омогшуулаад байдийн. Одоо оруулах гэж байгаа дуу нь үг, ая, дуучны хувьд онцгой их сэтгэгдэл төрүүлээд байна. Нээх лаг спорт машинд энэ дуу чангаас чанга хангинаж байвал тэр нь би шүү :P

Энэ одоо дорд үзсэн хэрэг байна даа

     Зиак Хүнсанаа гэдэг этгээд чинь хаа байсан 7 сараас хойш энэ муу навтсандаа салхи сэвэр оруулаагүй амьтан байна шдэ. Толгой эргэм олон ажлын ард нэгэнт гараад энэ их өндөрлөгөөс эргээд харахад ч гэнүү сүр сүр юм яриад байхгүй юу хэ хэ хэ.
     За тэр илэрсэн баларсан миний явдал суудлыг хэн ч сонирхох вэ дээ гэснээс энэ дэлхий дээр биднээс өөр уур уцаар, дургүйцлээ нударга мударга, слаавч млаавчаар шийддэг улс байдиймуу? этр гэж хадуурах яахуу?
Хальт хальт мэдээ үзэж амждаг мань мэтийн чихийг ёстой мялаасан зүйл цаагуур чинь болоодаан бишүү? Муу юмандаа хөөрүү мань мэтэд бол догь санаа ч урган гарч даган дуурайх ая тал үзүүлжаах жишээтэй.

БИД ХОЁР....

Rokit bay

Чамтай байхад зүүд юм шиг 

Бид хамтдаа байхдаа хүүхэд мэт

Мэдэхгүй сайн таниагүй гэхэд 

Сэтгэж байгаа нь нэг хүн мэт 

Бид ингэж эхэлсэн, нэг өдөр төрсөндөө ч тэр үү

Бусад хүмүүсээс илүүгээр 

Хурдан дасаж нэг нэг нэг рүүгээ

Тэмүүлэж татагдаж

Бүх зүйлүүд нь таалагдаж 

Хичнээн хаширласан ч гэсэн зүрхэндээ бид ялагдаж 

Чи надад зөвхөн зориулагдаж ирсэн гэж өөд өөдөөсөө

Хараад хэвтээд хэлдэг мөчүүд саяхан энэ мөрөөдлөөс өөр

Юмгүй ертөнц дээр төсөөлөөгүй бүхэн ирж гэнэт бороо шиврэн

Үнэт зүйлүүд аажмаар зэврэн

Чамайг тэврэх багасана бие биедээ харуулж эхлэнэ

Муухай талуудаа тэднийгээ хянах гэсэн ч хичээсэн ч бас даравч ихсэнэ 

Нэг хүн шиг байсан хүмүүс нэг нэгнээ танихаа болино

Нэг хэрүүл болонгуут л цэг хурдан тавихаа бодно 

Би хичнээн гараад явсан ч урд нь эргээд ороод ирсэн

Харин одоо энэ зүүднээсээ буцаж чадахгүйгээр сэрсэн 

НӨАТ-ын тайлан интернэтэд шивэх заавар

Тайлангаа бэлтгэх

1.      www.mta.mn сайтруу хандаж E-Tailan хэсэгрүү орно.

2.      http://e-tax.mta.mn/ хэсэгрүү дамжин орсоноор Байгууллагын регистер, нууц үгийг хийж нэвтэрнэ.

Шовгор

     Охиноосоо цахилгаан авуутаа энэ бүтэлгүй явдлын ээдрээг тайлахад <<од шүүрэх>> овсгоотой мань Баадай л тусална гэж баттайяа итгэсэн учир Дампил онгоцноос буунгаа ажлын газар руу нь жирийжээ.

     Нэг ангийн найз Баадай нь уржнан нутагтаа амралтаараа ирэхдээ Дампилынхаар хонуутаар зочлуулж, хонины мах, ааруул зөөхийгөөр том хүрэн хүүдийгээ түнтийтэл дүүргэж аваад буцсан юм байж! Баадай том цагаан шүд яралзуулан час час инээж нахилзсаар, <<Ээ Дампил минь! Чи хурал зөвлөгөөнд уригдаж залагдаад хотод бишгүйдээ л ирсэн сурагтай байдаг... Одоо хотод очихоороо манайхаар заавал очоорой. Анжгай нь хаалгаа томсгоод байж байя. Захих юм байвал захиж байгаарай. Анжгай нь цагтаа тулахад тэнгэрээс ч од шүүрч чадна...>> гэж хэлээд явсан ажээ.

     Тэгээд ч Дампил шулуухан л Баадайг зорьсон юм санж!  Таксигаар сүнхийлгээд ирэхнээ нь ашгүй Баадай өрөөндөө <<морилж>> байв.

     - Паах, манай паадгар! (Дампилыг дунд сургуульд байхад нь ийнхүү нэрлэдэг байжээ) Чи чинь тэнгэрээс буугаад ирэх шиг гэнэтхэн ороод ирдэг мөн сонин хүн юм аа! хэмээн гар алгадан тэвэрч, дуу алдан угтжээ.

     Дампил хөдөөгийн аль л амт шимтэйг тээгээд ирэв үү гэлтэй сайхан үнэр нь хамар сэнгэнүүлсэн уут савтай зүйлийг Баадайд ойртуулж өгөх зуур яаруу сандруу ирсэн хэрэг зорилгоо ярьжээ.

Гурван наадам дээр

Сумын наадам дээр. Сумын наадам болж байлаа. Долоон настай Дорж хүү ийм олон хүн нэг доор цугларсан байхыг амьдралдаа анх удаа үзэж, түмэн зүйлийн эрээн мяраан өнгөнд толгой нь эргэнэ. Саахалт айлын Ханд эгчийн гараас тэрбээр зуураастай явж байлаа.

     Айраг ууж, хуушуур идэж, чихэр хүлхэж олны дунд энийг харж шохоорхон, тэрийг харж гайхан ийнхүү явах нь хүүд яриангүй сайхан байвч хонь малаа харан гэрт үлдсэн ээж, охин дүү хоёр нь үе үе санагдана. <<Ээжийгээ ч юм уу дүүгээ нааш ирүүлдэг байж дээ>> гэж бодогдон сэтгэл нь бяцхан хөндүүрлэнэ. Тэдэнд аав байхгүй. 

     <<Миний хүүг наадамд аваад явна уу. Олны дунд орж үзэг, хөөрхий!>> гэж ээж нь Ханд эгчээс нь гуйжээ. Ханд сайхан цагаан шүд яралзуулан инээгээд <<Дорж шиг сайн хургачин хүүг авч явалгүй яах вэ>> гэхэд ээж хүү хоёулаа магнай тэнийн баярлаж билээ.

     Ханд, Дорж хоёр наадамчин олны дунд тухлан сууж байлаа. Алтан соёмбот далбаа эмээлийнхээ бүүрэг дээр тогтоон мандуулсан морьтон, олны анхаарлыг татсаар наадаамчдын өмнүүр гарч ирэв. Түүний хойноос хурдан морь унасан хүүхдүүд лимбийнх гэмээр эгшиг хадаан гийнгоолсоор дагалдав. Тэр хүүхдүүдийн эхэнд Доржийн найз хүү Хуяг инээд алдан давхиж явлаа. Тэд давхисаар асарын өмнө очив. Айргийн тавд орсон морьдыг цоллон мялааж, унаж уралдсан хүүхдүүдийг цаасан хайрцагтай зүйлээр шагнав. 

     <<Хуяг шиг болоосой. Хурдан морь унаж уралдах ямар сайхан байдаг бол? Тэр хайрцагт мөн их чихэр байгаа даа>> гэж Доржид бодогдохуй гижиг нь хүрэх шиг болов. Тэгтэл <<Надад унах хурдан морь байтугай хонины морь ч үгүй. Морь болгож унадаг шилбүүр л бий шүү дээ!>> гэсэн бодол залган төрж хоолой дээр нь гашуун оргих шиг болов. Наадам цэнгээний учрыг сайн олохгүй бужигнаж олны дунд Ханд эгчээсээ төөрчих вий гэж тэвдэж явсан ч гэсэн бяцхан цээжинд оргилж байсан баяр хөөр хийсэн одов.

     Хуяг аавдаа мориныхоо цулбуураас хөтлүүлчихсэн <<Доржоо!>> гэж дуудан хажуугаар нь өнгөрөв. Хуягийн бүхий л байдал <<Би хурдан морь унасан. Бас түрүүлсэн, шагнуулсан. Гоё байна даа! Чи хараач!>> гэж хэлж байлаа. 

Алгадмаар байна тэхүү?

     Уул нь өрөөлийн толгой дээр байгаа өвсийг харснаас өөрийн толгой дээрх бухалыг анзаар гэдэг үг байдаг байх аа? 

     Тэхдээ миний толгой дээрх бухал энэ зарим нөхдийн орой дээрхи өвснөөс илүү хор хохирол багатай. Байсан ч наддаа л гэхээс бусдад нөлөөгүй юм байгаан. 

     За тэр яахуу, өчигдөр найзындаа очихоор явлаа. Орцонд нь ороол цахилгаан шатанд суухаар зогсож байлаа. Хажууд нэг 2 охин зогсож байна шүү.

Үзэсгэлэн төгөлдөр эх орон

Хөх тэнгэр хамтлаг - Үзэсгэлэн төгөлдөр эх орон

Хун цагаан үүлсийн цаагуур
Хурц шаргал наран наадаад
Зэгс хөөмийлгөх нуурын мандлаар
Зэрвэс зэрвэс салхи тоглоод
Амин ганцхан нутаг чамдаа чин үнэнч хайртайгаа
Алтан наран сонстол дуулж чамдаа би хэлье
Гал хайрын минь эрдэнийн дээд та билээ
Ганцхан заяах нутаг минь та билээ

Уйлах ч багадана....

Динозаврын яс юу ч биш гэвэл итгэх үү

Өнгөрсөн оны наймдугаар сарын эхээр Хэнтий аймгийн Дадал сумын Агц багийн нутаг "Хадны өвөр" гэдэг газарт эртний байх магадлалтай булш ухсан байна гэх мэдээллийн дагуу шалгахад сэжигтэй зүйл мэдэгдээгүй аж. Уг газарт дээхнэ үед нэгэн баян лам амьдарч байсан гэх яриа нутгийнхны дунд байдаг аж. Тэрээр өөд болохоосоо өмнө гэрийн буурин доороо бурхан, хэрэгслүүдээ булсан гэх яриа ч байдаг гэнэ. Харин Онон Балжийн байгалийн цогцолбор газар, сумын төв хоёрын завсарт айлын буурь ухах гэж байсан зургаан хүнтэй таарчээ. Сэжигтэй зургаан иргэд саатуулагдахдаа 1:50000 масштабын нарийвчлалтай газрын зураг, буу, ажлын багажтай явсан гэнэ. Дээрх зургаан иргэн Улаанбаатар хотын харьяат. Ахлагч нь болох 60 орчим настай, Тунгалаг гэдэг эмэгтэйг 20-30 настай таван залуу дагалдаж явжээ. Тэд булш ухан, эртний хэрэгслүүд олдвол Улаанбаатарт зардаг гэж сумын байгаль хамгаалагч, мэргэжлийн хяналтынхан таамаглаж, айлын гэрийн буурь ухах гэж байсан иргэдийг Дадал сумын хэсгийн төлөөлөгчид хүлээлгэн өгчээ. Харин хэсгийн төлөөлөгч тэднийг шалгаж үзээд булш, гэрийн буурь ухаагүй, эрүүгийн шинжтэй гэмт хэрэг үйлдсэн нь нотлогдоогүй гэх үндэслэлээр чөлөөлсөн аж.

Энэхүү баримтыг сөхдөгийн учир нь булш бунхан, хиргэсүүр ухах, түүх дурсгалын өв, бурхан тахил хайх, эртний эдлэл худалдаалах, хил давуулах наймааны бизнес нь маш нууц “далд” явагддаг гэсэн дам яриаг тодруулах гэж зорьсон юм. Дээрх баримтаас харахад баригдсан зургаан сэжигтэн 1:50000 масштабын нарийвчлалтай газрын зураг, буу, ажлын багажтай явж байсан ч талийгаач ламын нуусан эд зүйлийг олоогүй байхдаа баригдсан нь тэднийг аварсан бололтой. Олныг нуршихаа түр хойшлуулан эртний эдлэл, булш бунхан ухаж, бурхан тахил, соёлын өв зэргийг Өмнөд хөрш рүү хил дамнуулан худалдаалдаг байсан нэгэнтэй ярилцсанаа сонирхуулья. Мэдээж түүнд надад үзүүлэх зураг, баримт байгаагүй. Учрыг асуухад “Яалаа гэж өөрийгөө барьж өгөх баримт үлдээх вэ дээ. Тэр бүх зарж борлуулсан зүйлс зөвхөн миний л нүдэнд харагддаг” гэж хариулсан юм. Тэрбээр өөрийгөө Чука гэж танилцуулж, энэ төрлийн бизнес эрхэлдэг нөхдүүд намайг танинаа. Гэхдээ би одоо хаана юу хийж, байгаагаа хэлэх боломжгүй гэдгээ учирласан бөгөөд надтай ярилцсанаасаа хойш тун удалгүй хилийн дээс алхаж, харь нутагт амьдарч байгаа. Түүнтэй ярилцаж суухад “гайхмаар”, “харамсмаар”, “халагламаар” мэдээлэл цөөнгүй байсан ч итгэх эсэх нь уншигч таны л “эрх”...

Сайн муу хоёрыг нийлүүлэн танихын аймаг

Сайн номлолт эрдэнийн сан субашидаас сайн муу хоёрыг нийлүүлэн танихын аймаг бөгөөд дөрөвдүгээр бүлэг болой.

Бачит хуурагчин дэмий сайхан өгүүлэх нь

Бахадсандаа биш, хэргээ бүтээхийн арга.

Балмад шар шувуу дэргэд ирж инээх нь 

Баярласандаа биш, муу ёр хийхийн бэлэг

***

Хар санаатан анханд зөөлөн үгээр хуурах 

Ханилж дассан цагт мэхлэн бүрэлгэх.

Хар нүгэлт загасчид өөшинд мах өлгөөд

Хуурч олон загасыг алахтай адил

***

Муу хүн хэзээд эс тэнхэрвэл 

Магад тэр болтлоо сайн зантай байх.

Муу хорт өргөсүүд эс хатталаа

Машиз зөөлөн ногоо мэт байх

***

Үнэн санаандаа өөр нэгийг бодоод

Үгэндээ өөр нэгийг хэлэгч хүнийг

Үлэмж бичиг хуурамч гэж хэлдэг бөгөөд

Үтэл муу хүн, сайн мэхэлсэн нь билээ

***

Асар арга залийг нэн олдуулбал

Анхандаа бүтэвч адагтаа бүрлэх.

Аргалж ирвэсийн арьсыг нөмөрсөн илжиг

Ардын тариа идсэний сүүлд бусдад алагдсан мэт

***

Ухаан билэг хурц болбол үзсээр байтал

Учирсаар цаад хүнээ хууран чадах

Урьд нэг Бярман ямааг хөтөлж явтал

Учирсан хулгайч нар нохой гэснээр айгаад орхисон мэт

***

Тодорхой нүдний өмнө гэм хийсээр байтал

Тун худал үгээр хууран мэхлэгчид байдаг бий.

Томоогүй Лхачин гэгч хүн гасалсанаа

Товчилж дөрвөн үнэнийг дурдлаа гэсэн мэт

***

Уяхан янаг аальтай зөөлөн үгт хүнийг 

Учран танилцсаар дэмий бүү итгэ!

Уран дуут шувуу өнгө үзэсгэлэн боловч

Огоот их хороор амиа тэжээдэг мэт бий.

Хуучнаар шинэтгэхүй

Өнөөдөр 6 сарын 4-ний өдөөр, хүйтэн ч юм шиг дулаан ч юм шиг сонин өдөр байлаа гэснээс Камертон тоглох болуу яах бол гэж хадуурснаас нээрээ өглөө ажлаар гадуур явж байгаад гэв гэнэт, нэг шинэ сонихон юм болсон байхгүй юу. Яасан гэхлээр байшдээ. /таануусыг нээх удаан зовоохгүй ээ/. Одоо яг ингэсгээд хэллээ хэллээ. Яг одоо эхлэх гэж байна. Бараг эхэлж байх шиг байна майна гэж домбоотоод олны уур барахгүй юу ха ха ха. За за тоглосийн "яг одоо хэллээ" ӨАЯББЮ /ингэж товчилж ярьдаг болсон шдэ нээрээ/. Юу гэж байгаан гэхлээр өглөө ажлаар явж байсан байхгүй юу гэж байгаан. Тэгсэн яасан гэхлээр "ГАБЯББЮ"-/гарчаад ажилруу буцаад явж байсан байхгүй юу. Тэгсэн чинь гэнэт яасан гээч??? Та нар таа даа? Нээх сонин юм болсоон.... хэ хэ хэ. Нэг юм зардаг эгчтэй тааралдсан байхгүй юу. Гудамжинд юм зарж байсийн. Баахан хуучны муучны юмнууд. Нэг тийм навсарсан мавсарсан юмнууд бол биш за юу. Зарим нэг нь бараг шинээрээ. Тэгсэн хэрнээ овоо ховордцон зүйлс. "Өө яадаг ядаргаа вэ хурдан хэлүүл хэлчихгүй энэ тэр гээд уурлаад байгаа хүмүүс Window+U+U гэсэн товчлуур дарчаарай хэн хэндээ амар зүгээр :P"

За бусад нь анхаарал хандуулан умшиж байгаа бол цаадах чинь ингэсээн. /Нээх сонин гэдэс өлсөөд явчих чинь юу болж байна аа? Юм идчээд үргэлжлүүлдиймүү? 

Гудамжинд хог хаявал?

Хүмүүс яагаад бие биедээ уурлан хашигчдаг вэ?

Нэгэн Хиндү гэгээнтэн Ганга мөрний усанд орохоор очтол эрэг дээр нэгэн гэр бүл бие бие рүүгээ уурлан хашгичиж байхтай таарав. Гэгээнтэн шавь нартаа хандан:

“Хүмүүс яагаад бие биедээ уурлан хашигчдаг вэ” гэж гэнэ.

Шавь нар хэсэг хугацаанд бодоод, нэг нь: “Бид тайван байдлаа алдаад л хашгирдаг” гэж.

“Яагаад нөгөө хүн нь хажууд нь зогсож байхад хашгирах ёстой гэж? Хэлэх зүйлээ зөөлөн дуугаар хэлж болно шүү дээ” гэж гэгээнтэн асуухад шавь нар дор бүрнээ янз бүрийн хариу хэлж байсан ч хэнийх нь ч хариу бусад шавь нарын сэтгэлд хүрсэнгүй. Эцэст нь гэгээнтэн:

Би юу ч бишээр амьдарч байна

Хэрвээ би Монгол хүн гэвэл
Чи бол мах...
Надад чи тийм л их хэрэгтэй.
Хэрвээ би машин бол
Миний хүү бензин....
Түүнгүйгээр би юу ч биш.
Хэрвээ би компьютер гэвэл
Аав ээж минь тог.....
Тэд намайг ажиллуулдаг.
Хэрвээ би харандаа бол
Найзууд минь харин үзүүрлэгч....
Тэд намайг хурцалдаг....

Сайхан дуу

     Саяхан нийслэлчүүдтэйгээ нийтийн унаандаа суугаал ажилдаа явж байлаа л даа. Автобус ч сэлүүхэн байсан. Өглөө нар мандчихсан, радио яваал, замын түгжээнд багахан гацалттай. Гэхдээ автобусанд явсан бид уурлаж бухимдсан зүйлгүй тааваараа байлаа. Учир нь тэр үед миний одоо оруулах гээд байгаа дуу явж байсан юм. Цоглог хэмнэлтэй, бас нээх гоё гэгэлзүүлсэн сайхан дуу...

     Хүндэт уншигчиддаа дуучин Л.Нарантуяа, Т.Бямбахүү нарын дуулсан Морьд мину зэ хэмээх дууг хүргэж байна. 

Никитон - Хос хунгийн дууль, Цамцаа тайл цомог

     Би ч бага байж дээ. Бацаан байхад Хонда гэдэг улаан хөгжим байж билээ. Никитоны хос хунгийн дууль нэртэй кассет байдаг байсийн. Хальс нь тасарчихлаар л цаас цавуудаж нааж байгаал явуулдаг байж билээ. Хальсаа зажилна, дуу нь олигтой чангарахгүйн дээр пянз тоглуулагчны модон дифузер 3-г, хөгжимнийх нь 2 нийт 6 талд эцэс дээр нь чангалаад үзээд явчихад цонхны шил доргидог байсан юм даа. 

     За тэр элэрсэн баларсан юм ч яахуу. Та бүхэндээ ар Монголын алдарт Никитон хамтлагийн гарчиг өгүүлсэн цомгуудыг хүргэж байна. Хүлээн авч таалан соёрхоно уу?

Шүгэл

... Намайг долоон настай байхад нэгэн баяраар найзууд маань баахан зэс мөнгө бэлэглэв. Би шуудхан л тоглоомын дэлгүүр рүү гарч, замд тааралдсан нэг жаалын бариад гүйж явсан шүглийн дуунд атаархсандаа бүх мөнгөө нэг шүглээс өгч орхилоо. Ингээд тун ч сэтгэл хангалуун амьтан харьж ирээд ах дүүсээ уурлуулан байж гэр дүүрэн шүгэлдэж гарав аа. Ах эгч, үүеэлүүд маань намайг ямар наймаа хийснийг сонсуутаа уг шүглийг би дөрөв дахин их үнээр авсныг хэлж, илүү гарзадсан тэр бүх мөнгөөр хичнээн гоё гоё юм авч болох байсныг тайлбарлалаа. Тэд миний тэнэгийг шоолж инээлдэхэд би гутарсандаа уйлж, тэр гутрал шүгэлтэй болоод хөөрсөн баярыг минь оргүй хийсгэж билээ. 

Ухаалаг хүү

Дулмаа багшид нэгдүгээр ангийн нэгэн сурагч тун их төвөг уддаг болж гэнэ.

Дулмаа багш: Жижиг Санаа, чи ер нь яагаад байгаа юм бэ? Юу нь болохгүй байна? Чи юу хүсээд байгаа юм бэ?

Жижиг Санаа: Нэгдүгээр анги надад хэтэрхий амархан санагдаж байна. Манай эгч 3 дугаар ангид сурдаг. Би эгчээсээ ухаантай. Тийм болохоор би ядаж 3 дугаар ангид сурах ёстой. Дулмаа багш бүр залхаж гүйцээд Жижиг Санааг сургуулийн захирал дээр дагуулж оров. Захирал Жижиг Санаагаас шалгалт авч хэрэв Жижиг Санаа шалгалтанд унавал нэгдүгээр ангидаа хэл амгүй суралцахаар болж гэнэ. Захирал эхлээд түүнээс математикийн энгийн асуултууд асуув.

Захирал: Гурвыг үржих нь гурав. Хэд вэ?"

Хүнсанаа: Хуучин хүү

Хотын байдал шалдар булдар, цагийн улирал ороо бусгаа, шороотой зам, эвдэрхий саадыг дагаж, хааяа нэг хар зам дээгүүр хүмүүс холхино.

Дөрвөн зүгт мав манантаж уйтгартай, цагаан үнсэн шороо хуйларна. Хаврын сэр хийх салхи хамар аманд шороо чигжиж, гэр хорооллын иргэдийн сэтгэлийг бухимдуулна. Хашааны үүдэнд гаргасан байх хогын боошигнууд эмх замбараагүйгээр үргэлжилжээ. Yүгээр түүгээр хэдэн жаалууд шороо манарган гүйлдэнэ.

Хөлд орохоос аваад, үс цайхыг хүртэл нэг автобусны буудлаас сууж буун зорчиж, нэг биш нилээн хэдэн төр эргэхийг харсаар, энэхүү ертөнцийг эцэслэнэ.

Аравтын Цэнгэл хоймор сууж, нийгмийн ажил гэж буруу зөв чалчих ба сувилагч Чимгээ гаднаас ирж эрүүл мэндийн битмин гэж худал үнэн ярихыг сонссоор өдөр сарыг улируулна.

Тэртээ хотхонд амьдарвал хүчрэхгүй хэмээн бодож, тэнгэрийн хаяанаас цааш амьдралгүй гэж сэтгэсээр, түмэн хэргээс хоцорж, дэлхийн боловсролоос гээгдэнэ.

Гагцхүү өглөө автуусандаа сууж, үдэш микродож ирсээр нэг насыг барна.

Хуучин хүү усны тэргээ гулдачиж жайвагануулсаар хүрч ирэв. Цагаан бандагаар толгойгоо ороожээ. Өрвийж сэрвийсэн үсний хэдэн хялгас дух руу нь унжина. Урагдаж навтарсан хар ханцуйг сугалдаргалж, хиртэж сайртсан бор тохой гаргажээ.

Тав хийтэл тэргээ чулуудаж, тас хийтэл битанаа сугалаад дагтаршид дарайсан күртикнийхээ баруун ханцуйгаар шороонд загалдсан нүүрнийхээ хөлсийг арчиж, нусаа хүр хийтэл нийгээд гэрт оров.

“Хүний хөгжилийн 21 өгч байна. Баагийгийн дэлгүүрт баахан хүн.

Уугий ажилд орохоор явсан. Гомбо Зах ороод ирсэн” гэх зэрэг хэв ерийн хэдэн үгийг ах зах хүмүүстээ сонин болгон ярьж, Аравтын Цэнгэл гуай гэж доогуур харан, сувилагч аниа гэж харцаа шулуудсаар зуухны хажууд сууна.

Авгай хүүхдээс аяга цуйван, хэсэг гамбир олж идээд, тэндээс гарч, халуун усны Оогийгийн бохирыг соруулалцаж өгч пиав олж уугаад, нэг үдийг өнгөрүүлнэ.

Шарав ахынд нүүрс шуудайлцаж өгч, хуушуур олж идэн нэг үдшийг дуусгана.

Хэдийгээр ухаан сэргэлэн боловч, нүхтийн аманд хүрсэнгүй, баруун салааны тэртээ гарсангүй, зөвхөн гурав дөрвөн гудамны эргэн тойрон газрын дотор оршин суусан тул юуг үзэж мэдэж, юуг сонсох ажээ.

Нас хэдийгээр залуу боловч боловсрол нимгэн, татаж чангаах хүнгүй тул гудамж хашааны хэдэн айлд ээлжлэн зарагдсаар, олигтой аж амьдралын замыг нэгэнт алджээ.

Өвлийн хүйтнийг нүүрс шуудайлж өнгөрүүлэн, зуны халууныг ус зөөж гэтэлгэх бөгөөд намар ичиж, хавар гарагч тарваганаас зовлонтойгоор он жил нөхцүүлнэ.

ТВ8, шар сонин энэ хоёрын мэдээнээс бусад үнэн юмгүй, хадгаламж банк, нарантуул зах, усны худаг, түлээний зах энэ дөрвөөс өөр явах газаргүй гэж санаж, хөмөрсөн тогооны доторхтой адил Жи хорооллын шороон дунд хүмүүжнэ.

Юутай гомдолтой бүрхэг амьдрал, юутай хайрлалтай залуу нас, юунд шинэ ертөнцийг үзэхийг үл хүснэ.

Боломж нь ийм гунихралтай байдлыг хуучин хүү өөрөө бас яахан мэднэ.

Халамжийн мөнгө ба улс төрчдийн гайг мөн хэрхэн танина. Дэмий л дадсан байдалд автагдаж, зовлон нь жаргал, архидалт нь цэнгэл болоод, нэг хорооны иргэдийн ихэнх хуучин хүүгийн адил нүдээ аньж, чихээ бөглөн, Hupermarket ч гэж чухам юу болохыг ч үзэлгүй, мэдэлгүй Жи хороололд хэвшин амьдрахад тулжээ.

Хайран, хайран, хөөрхий, хөөрхий,

Гэтэл хуучин хүүгийн нэг танил /Хүнсанаа/ нь сонгуульд хүч үзсэн өдрөөс эхлэн, хөмөрсөн тогооны дотор гэрэл тусч, нэг дүүргийн иргэд сэргэв.

Тэнгэрийн хаяанаас цааш ч амьдрал байдгийг мэдэж, таван толгойн хувьцааг ч эзэмшин шинэ хотхонд амьдран суух замыг нээв.

Манан Монгол танан Монгол болов

Хуучин хүү шинэ хүү болов

Юутай завшаан, юутай баяр,

2012 он

Айлын маамуу

Айлын xүүxдүүд

Ээе ёөөв бээеби Айлын xүүxдүүд (Айлын xүүxдүүд) Айлын xүүxдүүд (Айлын XҮҮXДҮҮД)Айлын xүүxдүүд (Айлын xүүxдүүд)Айлын xүүxдүүд (Айлын xүүxдүүд)
Yо
Айлын xүүxдүүд дандаа лаг байсан
Айлын xүүxдүүд зурагтаар Англи xэл заадаг байсан
Айлын xүүxдүүдэд эцэг эxчүүд xайртай
Айлын xүүxдүүд Тэмцээн уралдаанд тэргүүн байртай байсан

Би эсэргүүцэж байна....

Бичлэг эхлэхээс өмнө Монгол улсын үндсэн хууль-н тунхагийг та бүхэнд ахин сануулъя. 

"Монголын ард түмэн бид:

            -улсынхаа тусгаар тогтнол, бүрэн эрхт байдлыг бататган бэхжүүлж,

            -хүний эрх, эрх чөлөө, шударга ёс, үндэснийхээ эв нэгдлийг эрхэмлэн дээдэлж,

            -төрт ёс, түүх, соёлынхоо уламжлалыг нандигнан өвлөж,

            -хүн төрөлхтөний соёл иргэншлийн ололтыг хүндэтгэн үзэж,

            -эх орондоо хүмүүнлэг, иргэний ардчилсан нийгэм цогцлуулан хөгжүүлэхийг эрхэм зорилго болгоно. Үүний учир Монгол Улсын Үндсэн хуулийг даяар олноо зарлан тунхаглаж байна. "

     

Эхлээд та бүхэнд нэг таавар таалгъя?

За та юу гэж бодож байна? Энэ зураг дээр байгаа хар цэг юу вэ? Мэдээж ямар нэг онцгой газрыг тэмдэглэсэн байгаа нь гарцаагүй. Гэхдээ та үүнийг шууд таахгүй. Мөн миний бичих гэж байгаа, хэлэх гэж байгаа санааг төсөөлөх ч гүй. 

Харин бичлэгийн төгсгөлд заавал сэтгэгдэлээ үлдээгээрэй гэж хүсье. 

Бяцхан матар

Харцуулын дэлгүүр...

Саяхан нэг өвөрмөц дэлгүүр нээгдсэн байна.

Нэр нь "ХАРЦУУЛЫН ДЭЛГҮҮР". Гэхдээ эрэгтэйчүүдийн бараа биш, харин жинхэнэ утгаараа эрэгтэйчүүл худалдаалагдах гэнэ. Учир нь эндээс эмэгтэйчүүд, өөртөө таалагдсан эрэгтэйг худалдан авч болох гэнээ.

Одоо тус дэлгүүрээр үйлчлүүлэх журмыг танилцуулъя.

1. Та энэ дэлгүүрээр зөвхөн нэг удаа үйлчлүүлнэ.

2. Дэлгүүр 6 давхар бөгөөд давхар дээшдэх тусам "барааны" чанар сайжирна.

3. Үйлчлүүлэгчид аль нэг давхраас "бараа" худалдаж авах, эсвэл дараагийн давхар руу өгсөх үүрэгтэй.

4. Доод давхар руу буцаж сонголт хийхийг хориглоно.

Одоо нэгэн үйлчлүүлэгч хэрхэн бараа сонгож худалдан авсан тухай сонирхуулъя.

Нөхөр хайж буй нэгэн эмэгтэйг нэгдүгээр давхарт ороход “Тодорхой эрхэлсэн ажилтай эрчүүд” гэсэн бичиг байж. Мань хүүхэн шууд хоёрдугаар давхарт гарав. Тэнд “Тодорхой эрхэлсэн ажилтай, хүүхдэд хайртай эрчүүд” гэсэн бичиг байлаа.

Хүүхэн гуравдугаар давхарт гарав. Тэнд “Тодорхой эрхэлсэн ажилтай, хүүхдэд хайртай, эхнэртээ үнэнч эрчүүд” гэсэн бичиг байхыг харан зогтуссан боловч дээш өгслөө.

Дөрөвдүгээр давхарт “Тодорхой эрхэлсэн ажилтай, хүүхдэд хайртай, эхнэртээ үнэнч, гэрийн ажилд сайн эрчүүд” гэсэн бичиг байлаа. Гэсэн ч үйлчлүүлэгч эмэгтэйн сэтгэл дээд давхарт тэмүүлэв.

Хаагуур явснаа хэлэх үү?

Цанын бааз орж гулгасийн би. Яахав хүмүүс ихэвчлэн цанаар л гулгадаг юм байна. Олны жишиг дагаад яахуу гэж бодоод Snowboard /цаашдаа хавтан гэе/-р гулгаж үзлээ. Учрыг нь олох гэж нилээн л юм болсон. Одоо ч тэгээд өвөл дуусчлаа даа. Уул нь ахиад нэг гулгачуул гэж бодсон амжку юм шиг байна. 

За тэр яахуу. Над шиг анх удаа гулгаж үзэх гэж байгаа нөхдүүдэд тус болох үүднээс ганц 3 юм бичье гэж бодлоо. 

Хавтангаа сонгоход баруун эсвэл зүүн талаараа гулгадаг рефлексээ бодох хэрэгтэйн байна. Өөрөөр хэлбэл баруун хөл урд хэсэгтээ юу зүүн хөл урд хэсэгтээ юу гэдгээ. Би лав 2 талаараа гулгасан. Яагаад энийг асуугаад байна вээ гэхлээр баруун болон зүүн хөлний байрлал нь цаанаасаа тохируулагдчихсан хавтан ч байна, хоёр хөлнийхөө аль алины байрлалыг тохируулдаг ч хавтан байна. Минийх аз болж 2 хөлний тохируулгатай байсан болохлээр их эвтэйхан байсан. 

Хавтангаа хөлний байрлалаас хамааруулаад баруун эсвэл зүүнээ сонголоо. Одоо харин өөрийн хөлний хэмжээндээ таарсан гутал, хавтан сонгоно. Миний өндөр 181см, оногдсон хавтан маань 35см-н өргөнтэй, 155см-н урттай, "L" размерийх байсан. 

Зориулалтын хувцас авсан нь дээр юм байна лээ. Адаглаад норохгүй. Бас хамгаалалтын малгай авчуул хэрэгтэй л юм байна лээ. Өвдөг, тохойвч, өгзөгөвч бол бүр зүгээр. Хэ хэ өгзөгөвч гэж хэтрүүлэг шүү. 

Энэ үнээрийн хошин бээшоо

Энэ видео үнэн инээдтэй ха ха.
Олон хүний дунд санаандгүй чанга сонссон чинь элэг аваа хаяцан гэж байгаа.

Залруулж болох тохиол аваас уурлаж ундууцахын хэрэг юун! 
Залруулж болошгүй тавилан бол уурлаж ундууцаад ч нэмэр юун! 
                                                                       Гэгээнтэн шантидэвэ

Хачин сонин зурагууд

Технологийн дэвшил бидэнд юу өгсөн бэ? Чулуу VS Iphone

85 насны төрсөн өдөр

Манай сүлжээ хаана нь байгаа вэ? Таагаарай

гох.. гохххх....

Мэргэжлийн онцлог

Ялгарах л хэрэгтэй... /anti gender/

Аялалын түүхээ сийрүүлье /Шилийн богд/

Шинэ он эхлүүт л найзуудтайгаа шилийн богдыг зориод ирлээ гэж нэг халь хультхан юм яриагүй юу. Явсан газрын тухай зурагт бээгий шахна гэсэн амжку явсаар байгаад өнөөдрийг хүрчлээ. Эндээс нэгдүгээр сарын тавны үдээс хойш гарсан болохоор очихдоо шөнө байсан тул онц сонирхолтой зүйл үзэж хараагүй бөгөөд шөнө нь нэг төөрөх аядаад цасанд суусныг эс тооцуул мэнд явж хүрсэн бөлгөө. Цас ихтэйд бол олуулаа, бас машин сайны хүчинд л гарахаас өөр аврал байхгүй байдаг юм билээ.
Нэг иймэрхүү байдалтай суув шүү дээ..

Гадаа хасах 40 нилээн давсан хүйтэн байсан байх. Уул нь бас овоо зузаан куртиктай явлаа гэж бодсон чинь машинаас буугаад хэсэг байхад л материал нь дарайгаад хайрч байсан. Монгол дээл маань харин аминд орсон шүү. Чүү чаамай нэг малтаж гараад цааш хөдлөөд явахдаа унтцан байна лээ :P

one shot....

Яг үнэндээ бол ойрд зав тун муу байгаа болохлээр бээгий ч шахаж амжихгүй л байна. Шахсан хэд нь дандаа копи паст тэ?

Зав зайгаараа нэг аятайхан хэдэн юм шахъя гэж боддог байсан чинь одоо хоног нь гүйцэж байгаа амьтан шиг цааргалах болоод бас нилээдгүй удлаа. Энэ муу навтасаа 99,999 хандалттай болох тэр цагаас эхлэн ор тас хаяад ахиж энүүгээр сүйтэгнэхгүй гэж ам алдсан билээ... /хэзээ нэгэн цагт/

Анх блог нээж байхдаа өөрийнхөө бодож яваа, эсүүл хэлэхийг хүссэн зүйлсээ дур зоргоороо сараачин оруулах зорилготой байсан. 

Тэнгэрийн тамга

Таагүй мэдээ ч тараахаас өөр аргагүй....

Оршил

     Өнөөдөр Монгол улс элэг, ходоод, улаан хоолойн хорт хавдрын өвчлөлөөр дэлхийд толгой цохиж, хорт хавдрын нас баралтаар олон улсад тэргүүлж явна. Нэн ялангуяа элэгний хорт хавдрын өвчлөлөөр бусад орнуудаас хэт тасархай түрүүлж, удаахь байранд жагссан Гамби улсаас бараг 3 дахин өндөр үзүүлэлттэй байна. Шинэ оны анхны сэpэмжлүүлэгтээ Хятадын сүү, газрын самар, самрын тосонд афлатоксин хэмээх элэгний хорт хавдар үүсгэгч илэрсэн тухай анхааруулж бичсэн. Цаашид ч өөрийн хөтөлдөгhttp://golomt.org -оор дамжуулан  үндэсний аюулгүй байдал, Монгол үндэстний эсэн мэнд оршиход заналхийлж буй аюулын талаарх баримт нотолгоог дэлгэсээр байх болно.

 Эхлэл

     Өнгөрсөн зун манай нэртэй хүүхдийн ахмад зохиолчдын нэг Замын Үүдэд явж байгаад  Эрээнээс  ирсэн ачааны вагоныг нээхэд хажууд нь байж таарчээ. Хачирхалтай нь вагоноор дүүрэн “Алтан Тариа” компанийн шошготой гурил ачсан байсан гэнэ. Гаалийнхан гурилыг саатуулалгүй, Монголын хилээр нэвтрүүлжээ. Ахмад зохиолч Улаанбаатарт ирсэн хойноо таньдаг мэддэг бүгддээ ярьсан ч тус болсонгүй. Тэдгээр уутанд хаана хийгдсэн, ямар чанартай гурил байсан нь ойлгомжтой. Товчоор хэлэхэд мянга мянган хэрэглэгч хохироод, хэдхэн хүн завшаад өнгөрчээ.     

     Монголчууд бид хоол хүнс, эд бараа, материал технологийн дийлэнхийг гаднаас залгуулдаг. Гэвч хилээр орж ирж буй бараа бүтээгдэхүүний хэдэн хувь нь жинхэнэ стандартын дагуу үйлдвэрлэсэн, оригинал бараа бүтээгдэхүүн байна вэ?  Дэлгүүрт зарагдаж буй хүнсний бүтээгдэхүүнээс хордохгүй гэсэн баталгаа байна уу? Ядаж байхад Монголд импортын бараанд тавигдах чанарын стандарт журам  байдаггүй, тэдгээрийн орц найрлагыг хянаж шинжлэх лаборатори, хэмжих техник хэрэгсэл, мэргэжлийн хянагч шалгагч алга.

     Хятадын бөглүүд тосгоны үйл явдлыг ч алгасалгүй бичдэгээрээ эгээтэй л Хятадын нэгэн мужийн хэвлэл мэт санагддаг “Өнөөдөр” сонингоос авахуулаад олон улсын худал үнэн сенсацийг чадамгай дэлгэрүүлдэг сэтгүүлчид маань ч үндэсний аюулгүй байдлын чухал хэсэг хүнсний аюулгүй байдлын асуудлыг төдийлэн анхаарч үздэггүй.

     Нийгмийн эрүүл мэндийн салбарынхан ч бүлх залгисан мэт чимээгүй. Уул нь олон нийтийн эрүүл мэндийг дэмжиж, өвчнөөс сэргийлж, зохих мэдээ мэдээллийг тогтмол цуглуулан дүн шинжилгээ хийж, эрүүл мэндийн мэдээллийг олон нийтэд дэлгэрүүлэн таниулж, эрүүл амьдрах орчин нөхцлийг бүрдүүлэхээр ажилламаарсан. 

     Өнөөдөр бид  эрүүл энх, амьд мэнд явах эрхээ хамгаалахын тулд, үр хүүхэд, ирээдүй хойч үеийнхнээ өмгөөлөхийн тулд эрх баригчид, мэргэжлийн хүмүүст бус зөвхөн өөрсөддөө найдахаас өөр аргагүй байдалд оржээ. Ингээд эх нутагтаа амьдарч буй болон хилийн чанадад аялж буй Хятад хоолны газарт хооллох дуртай Монголчууддаа сэрэмжлүүлэх үүднээс урьд хөршийн хортой хүнсний бүтээгдэхүүний тухай судалж мэдсэн зүйлүүдээсээ танилцуулья.

     Эдгээр хоол хүнсний тухай дэлгэрэнгүй мэдээлэл болон видео үзэх холбоосыг ашигласан эх сурвалжаас үзнэ үү.

Баримт 1. Хуурамч өндөг.

     Сүүлийн жилүүдэд Хятадад тахианы өндөгийг  хуурамчаар хийж, зарж борлуулж буй тухай шуугиан удаа дараа гарсан. Хүн үнэмшмээргүй сонсогдох ч өндөг хийж буйг үзүүлсэн видео бичлэг интернэтээр дүүрэн байх аж (1, 2). Биечлэн үзүүлсэн видеог www.youtube.com/watch?v=0US7JEfhsrA дээрээс үзэж болох юм байна.

     Өндгийг хуурамчаар хийхдээ үйлдвэрлэлийн зориулалттай химийн бодисуудыг хүнсний амт, өнгө  оруулагчтай хольдог байна. Зэрвэс харахад гэрийн нөхцөлд үйлдвэрлэсэн хуурамч өндөг нь тахианы өндөгнөөс ялгахын аргагүй. Харин сайтар ажиглавал, хуурамч өндөгний гаднах нь барзгардуу, доторх нь шингэвтэр байдгаас гадна өндөгний гадна талын шохойжсон хальсан дотор нимгэхэн цагаан хальс байдаггүйгээрээ ялгаатай (3 ).

     Мэдээж, химийн бодистой хуурамч өндөг хүнсэнд хэрэглэх нь хүний биед хортой төдийгүй түүнийг хэрэглэсэн хүмүүс ой санамжаа алдах хүртэл аюултай аж. Хуурамч хүнс үйлдвэрлэгчид тахианы өндөг төдийгүй усан үзэм, үхэр, гахайн гэдэс дотрыг хүртэл химийн бодисоор хуурамчаар хийж, амталж сурчээ ( 2 ).

     Анхлан хуурамч өндөг үйлдвэрлэсэн хэрэг 2006 оны 1 сард Хятадын 3 хотод илэрч байсан ч өдийг хүртэл  энэ асар ашигтай бизнес цэцэглэн өргөжсөөр байна. Тухайлбал, 2009 онд Японы Фужи ТВ-ийнхэн ( 2 ) Хятадад очиж хуурамч өндөг үйлдвэрлэгчтэй уулзаж, нууцаар сурвалжилсан бол 2010 оны 12 сард Вьетнамын эрх баригчид (4) хуурамч өндөг орж ирээгүй хэмээн зарлаж байсан,  2011 оны 4 сард Малайзийн Пенанг хотын Хэрэглэгчдийн эрх ашгийг хамгаалах нийгэмлэгийн  хуурамч өндөгний сэрэмжлүүлэг видео (3) youtube дээр тавигдсанаас үзвэл асуудал намжаагүй хэвээр ажээ.

 Баримт 2. Хуурамч будаа.

     2011 оны эхээр Хятадад будаа хуурамчаар үйлдвэрлэж буй тухай мэдээ Хонконг, Сингапур, Вьетнам, Солонгосын сонин хэвлэлд гарчээ (5, 6, 7, 8). Шаанши мужийн Тайюан хотын дистрибьюторууд төмс болон чихэрлэг төмсийг будаа хэлбэрт оруулж, үйлдвэрийн зориулалттай резинтэй хольж будаа хийснээ будааны үнэр оруулаад зарж байжээ. Ийм будаа нь хугарч гэмтсэн ширхэггүй, маш цэвэрхэн, агшаасан хойно нь зажлахад хатуу, хоорондоо наалддаггүй, чимхэхэд эргэж хэвэндээ ордог, хонуулахад өнгө чанар нь өөрчлөгддөггүй.

2011 оны 2 сард Вьетнамын Хо Ши Минд зарагдаж байсан (9) хуурамч будаа 10 милиметр орчим урттай маш нарийхан хэлбэртэй байсан бөгөөд хамгийн сайн чанарын будаанд ч 5 хувийн хог байдаг байхад гайхалтай жигд, хугарч бяцраагүй байсан байна. Xуурамч будаан дахь нийлэг эд бүхий резин нь хүний биед хортой. Ийм хуванцар будаа гурван аягыг идэх нь нэг ширхэг хулдаасан цүнх идсэнтэй дүйцэх аж.  Хуурамч будаа нийлүүлж,  хөлжигсдийн бизнес зогсоогүй бөгөөд хортой хүнсээ хил давуулан наймаалсаар байгаа бололтой.